Car al miè bel putìnon Alan…
Ciao bel,
la prima volta ca tiò vist, ai ho pensà “ ach bel putìnon “. Al starìa ben al post ad Tizianino . Al sarìa un sindac giust par Fràra . Al s’ insumiglia un puchin anch al vescov . I starìa ben assìem ala messa in Dòm. Dù bei putìnon. Fràra las merita un sindac grand e gross, dop dies ann ad Tizianin e Aldino. A sen stufi ad tuti sti “ino”. A vlen di bei “oni “ e tì e Naomo a sì dù biè “oni” . Anca tì at gà i gamb un puchin a ciupeta , cumpagn a Naomo, ma tiè un bel fiol.. Am pias purassà al to cuìn. Tam ricordi me nona quand la s’ lavava i cavì in tla mastela. A n’ho brisa capì cus at ghentri con Fràra ca tiè ad Bunden, ma l’è lì stess, am son dit la prima volta ca tò sentì ciacarar da candidà a sindac. Anca mi a vien dala campagna e po an ghiera nient’altar da vutar a part Aldino . At ciacàravi tanta ben. As sent cà tà studià. A me piasù anch al fat che a Bunden agh sia la to pitunara. Me nono, invezi , al gà aveva i galin da ov.
Era stuf ad tuti stì inteletual ad sinistra. Stu chi, l’è al sindac giust par mi, am son dit, anch sal vien da Bunden. Am dispias chi diga tanti bruti quèi ad tì, ma at voi dir che mi ach cred brisa. Par mi a tiè un brav pataton. Un brav fiol ad campagna. Però a tò da dir che t’ha ma un po’ delus. A cardèa cat fussi tì a far al sindac, brisa Naomo, ciamà“ ciupeta”. Sa vlea Naomo a far al sindac a vutava Naomo, brisa tì. Am dispias dirtàl, ma an va brisa ben sta storia. Mettat a post , parchè la prossima volta at rimanden alla pitunara a Bunden e al to post ach metten ancora Tizianin .
Ciao bel!
e mettat la maia ad lana che a Fràra a ghe umid
M.C.