A sén rivà al domilaznóv,
t’a za cambià al to lunàri
mo come sémpar gnént ad nóv:
la SPAL la perd o la fa pari.
I baiòcch i’è póchi: a ghè d’la rana,
al smog l’è vlén par i palmún.
Zzapel in zéntar, GAD e Rivana
e stràd sbusà in tuti i cantún.
Surìs gh’n’è póchi, purasà i s’laménta,
i zzcór d’pulìtica e d’vutazión:
chi l’è sémpar c’la pulénta!
L’an cambia mai la situazión!
******************************
(Siamo al duemiladiciannove,
già cambiato il calendario
ma come sempre niente di nuovo:
la SPAL perde o al più fa pari.
Pochi, i soldi. E c’è la crisi,
lo smog è veleno per i polmoni.
Disastri in centro, GAD e Rivana
e strade bucate in ogni cantone.
Pochi i sorrisi, tante lamentele,
parlando di politica e di elezioni:
Qui è la solita polenta!
Non cambian mai le situazioni!)
Michele Sabattini (Ferrara)